EN RUTA CON CONCHEIRO

A radio local fala da relación entre Galicia e Irlanda

2007-06-04T14:50:00.000Z

Radiofusión, a programación conxunta das Emisoras Municipais Galegas, inicia un interesante espazo sobre a relación entre Galicia e Irlanda. Dende a cidade de Cork, a galega Vanessa Rodriguez fala de distintos aspectos da cultura e da música de Irlanda dende unha perspectiva galega.No primeiro programa falou do leprecon, un persoaxe mítico irlandés utilizado tamén dende o punto de vista turístico. O espazo pódese escoitar na

http://www.radiofusion.eu/rfusion/emisoras/visita_a_irlanda

Prohibición dos touros, xa

2006-08-07T11:27:00.000Z

Da noxo un ano máis na Coruña o espectáculo dos touros sofrindo, mentres un grupo de desalmados aplaude a agonía do animal. O goberno socialista tiña que prohibir xa esa crueldade, como pasa en todo o mundo civilizado. Se o que val é a tradición, entón que resuciten o circo romano, que combatan gladiadores e ao final que morran na area, se así o indica o dedo do emperador.

Entro no club de fans de Yolanda Castaño

2006-06-15T16:26:00.000Z

Recibo dun amigo de Santiago a invitación para formar parte do "Club de fans de Yolanda Castaño". Dende logo, resposteille rapidamente de xeito afirmativo, subiugado como estou pola rutilante presencia televisiva da poetisa coruñesa. Que telexenia! Que simpatia! Que saber estar diante das cámaras! E ainda por riba a rapaza domina con mestría a nosa lingua. Dinme que unha das primeiras actividades do Club, vai ser a edición de camisolas, pins e gorras coa imaxe da Castaño. Eu propoñerei tamén a organización de excursións guiadas para algunha que outra comparecencia pública da escritora.

Conflictos e debates no nacionalismo galego

2006-04-15T07:09:00.000Z

Téñome enganado moitas veces. Participei en maís dun cento de debates e conflictos internos do nacionalismo galego. Hoxe botando a vista atrás, estou certo de ter malgastado feixes e feixes de enerxias en discusións esteriles. Por iso causame mágoa, ver agora, a algúns opinadores e hipercríticos que acusan ao BNG de acometer dende a Xunta unha "política blanda", de non adoptar decisións valentes, de carecer dun proxecto político,...
Como toda obra humana, calquera acción política é mellorable, pero ¿non padecerán esas voces dunha certa tendencia cainita?

A folla de ruta do Pais Vasco

2006-03-24T18:19:00.000Z

Un camioneiro vasco mándame un correo coa presunta FOLLA DE RUTA para a disolución de ETA que o vindeiro martes lle propoñerá Zapatero a Rajoy para a súa aceptación. Eu non sei se será verdade pero ahí vai:

Marzo 2006

Declaración de ETA del alto el fuego permanente. Incluye el cese de la "actividad armada", del cobro del impuesto revolucionario y de la "kale borroka".

Junio 2006
Zapatero pide al Congreso autorización para iniciar formalmente las conversaciones con ETA.

Julio 2006
Destrucción o inutilización del primer arsenal de armas y explosivos de ETA.
Reagrupamiento de los presos de ETA en las cárceles del Pais Vasco y de comunidades autónomas limítrofes.

Septiembre 2006
Destrucción o inutilización del segundo arsenal de armas y explosivos de ETA bajo la supervisión de un Comité de Desarme formado por representantes de la Iglesia vasca, de Austria y de Irlanda.
Salida en libertad condicional de aquellos presos de ETA que no hayan cometido delitos de sangre. Antes de la concesión del tercer grado deberán firmar la renuncia a la violencia.

Enero 2007
Destrucción o inutilización del tercer y último arsenal de armas y explosivos de ETA.
A lo largo de este año, se examinará individualmente la situación penal de los reclusos de ETA concediendoles de forma paulatina los beneficios penitenciarios a los que hubiera lugar en función de su renuncia a la violencia.

Junio 2007
Disolución oficial y definitiva de ETA.

Ambito político

Septiembre 2006

Constitución de una nueva fuerza política de la izquierda abertzale que renunciará expresamente a la utilización de la violencia y podrá concurrir a las elecciones municipales de mayo del 2007.

Octubre 2006

Constitución de una mesa para la normalización política de Euskadi con participación de todas las fuerzas políticas.

Enero 2007
La mesa para la normalización comienza la redacción de un nuevo Estatuto para el Pais Vasco. Todas las fuerzas políticas inician esos trabajos con la voluntad de llegar a un acuerdo ampliamente mayoritario. La negociaciónn se iniciará sin condicionantes previos.

Septiembre 2007
El nuevo Estatuto se somete a referendum en la comunidad autónoma vasca.

AS AREAS COMERCIAIS

2006-02-14T10:29:00.000Z

Fun cun amigo a Area Central en Santiago. El acaba de vir de El Salvador, e sorprendeume moito o que me dixo.

Afirmou:"Estes centros comerciais son exactamente iguais aquí que en El Salvador".
Retruquei eu abraiado: "¿Pero alí tamén hai áreas destas características?"
"Si, home, e teñen moito éxito, pola seguridade, xa que son os únicos sitios onde se pode pasear, con certa tranquilidade de que non te atraquen ou te rouben".

Funme matinando para a casa: "Carafio para o marketing. Estamos todos moito máis programados do que pensamos. O que sí é seguro, é que é dificil sair dunha superficie comercial sen ter deixado un peso".

OS PROGRAMAS "ROSA"

2006-02-09T09:11:00.000Z

"Todos eses e esas que miran con tanto fervor este tipo de fenómenos (non só princesas e principes, se non tamén actores, cantantes, etcétera) cren que atoparon a fórmula da felicidade e do trunfo. Pero logo ves cómo non encontran ningunha estabilidade emocional, cómo se drogan e cómo se suicidan"

Son palabras dun dirixente político nas súas memorias. ¡¡¡Canta razón ten!!! Nese tipo de programas de televisión, o que ten máis "éxito", o que cobra máis, é o máis canalla, o máis maleducado, o máis depravado. Se continuamos educando así aos nosos fillos e fillas, non nos pode logo extranar que eles intenten imitar eses modelos. ¿Por que van renunciar eles aos cartos fáciles, se nós estamos apampados diante da televisión mirando este tipo de espazos?

CHAPAPOTE, CHAPAPOTE

2006-02-02T15:43:00.000Z

Un feixe de "hooligans" do Valencia berraban as portas do Estadio de fútbol da cidade levantina: "chapapote, chapapote, oe, oe, oe". Era antes de principiar o partido da Copa do Rei entre o Valencia e o Depor. Supoño que quererían comer a moral de xogadores e da afición do equipo da cidade herculina, lembrando a catástrofe do "Prestige" e o manto negro que daquela cubreu as costas galegas. Supoño que os instigadores do berro serían rapaces dereitosos e rencorosos que temían xa a eliminación copeira do seu conxunto. O Depor deulles o primeiro merecido coa eliminación da Copa. Este sábado darálles o segundo "pau" comportandose de xeito deportivo e con auténtico "fair play" como é tradicional no equipo e na afición de Riazor. Lembrarémonos do penalty de Djukic e berrarémoslle NUNCA MAIS.

PASOS DE PEONS OU PASEOS DE PEONS

2006-01-19T08:44:00.000Z

Moito me amolan. Hai un especimen de peón, especialista en fastidiar a automobilistas e camioneiros. Póñense na beirarrua, abaneando enriba do "bordillo". Cando ven que se achega un vehículo, sexa turismo, furgoneta ou camión, bótanse ao paso de peóns, moi a modo, moi amodiño. Bótanlle unha mirada desafiante ao conductor, ao tempo que atravesan a calzada con ritmo de tartaruga. O automobilista ten que frear e o peón sorrí trunfante coa mesma mirada do futbolista que desafia á grada despois de marcar un tanto na portería contraria. Está ben que se lle de prioridade ao cidadán de a pé en determinados puntos da estrada, pero ao que vai paseando tanto lle da agardar 30 segundos máis ou menos. O que non pode ser é interrumpir adrede a marcha dun vehiculo só por gañas de tafonear. Confunden PASO DE PEONS con PASEO DE PEONS

AS LOITAS COA TELEFONICA

2006-01-09T16:05:00.000Z

Chegou esta mañá cuns xuramentos que metían medo. O Tomy blasfemaba contra Movistar, contra as compañías telefónicas, e contra todo o que se lle puxera por diante. Disque hai uns dous meses lle ofreceron recibir de balde no seu teléfono móbil alertas cos concertos e con noticias de AMARAL. Como a él lle gusta ese grupo dixo que sí, pero aos quince dias, sen solicitude de autorización previa, comezaron a cobrarlle por cada mensaxe que recibía. No medio diso cambiouse de Movistar para Vodafone, e agora non atopa a maneira de darse de baixa do servicio de mensaxes. E cada mes continuan chegandolle nas facturas os importes polo caralliño dos SMS. Esta mañá botaba lume, ...

FORMANSE COMISIONS ANTI-TABACO

2005-12-21T09:44:00.000Z

Xa non importa a contaminación industrial. Pouco contaminan os tubos de escape dos coches. Qué pouco molesta a choiva aceda! Todas as boas conciencias preocúpanse agora polo fume do humilde xaruto do traballador. Cando eramos novos botábannos no cine os anuncios de Marlboro, onde o vaqueiro ligaba tras acender a cabicha. E claro ao sair do Cine Equitativa, habia que prender tamén o cigarro para impresionar á paisana. Logo empezaron a dicir que producia cancro. E agora prohiben fumar no choio, nos bares e nos restaurantes. SOMOS UNS MONICREQUES.

ENTRE O GORRO E A GOMINA

2005-12-16T08:55:00.000Z

Protestaba eu hai uns dias porque o Tomy apareceu cun gorro de "rapeiro", cunha pinta impropia para un transportista. Cágome no que dixen!!!. Esta mañá deixou o gorro, e chégame todo engominado. Díxenlle eu: ¿Pero que ves traballar ou vas para a festa? El, coma sempre, baixa a cabeza e non di nada. Non é que lle botara un pouco de gomina para acomodar un cabelo revolto. Caeron na súa cabeciña toneladas e toneladas do líquido pegañento. ¿Canto tempo botaría diante do espello do baño? ¿Que mérito lle verán ao asunto de botar pegamento no pelo?

A BANDEIRA DO PAQUETE

2005-12-05T17:16:00.000Z

Tomy chegou hoxe indignado. Coma case todos os dias por outra banda. Onte foi dar unha volta de mañánciña polo paseo marítimo da Coruña e atopouse coa BANDEIRA DO PAQUETE. Ao señor alcalde deulle por colocar no medio do paseo unha gran bandeira española. Como sospeitaba que o pano podería ser blanco das iras dos que identifican a "roja y gualda" cos tempos do franquismo, de cando se obrigaba a saudar brazo en alto ao paso da "enseña nacional", puxo ao pé da bandeiriña dous policias permanentes. Disque as 24 horas do dia, os pobres maderos teñen que estar alí vixiando para que ninguén ouse retirar ou atentar contra a bandeiriña. Iso sí, puxéronlles un coche para acobillarse. ¿Non será un despropósito pagar os salarios de seis persoas (duas por cada turno de oito horas) para que estén alí vixiando unha bandeira?

A RELIXION NA ESCOLA

2005-11-28T19:44:00.000Z

Non pode ver aos curas. Díxome Tomi "A relixión que a ensinen nas sinagogas, nas mezquitas e nas igrexas pero que non lle coman o tarro aos pequenos na escola". Eu non son tan radical. Tamén sei e coñezo a cregos que son boas persoas e fan moito ben nas súas parróquias. O Tomi veña a bater contra a COPE e contra a xerarquia eclesiástica. Disque o Vaticano ten negocios de fabricación de preservativos e logo condean ao condón, a pesar das súas ventaxas profilácticas contra a expansión do SIDA. O que é certo é que cada Igrexa, a debían de soster os seus creentes e non todos os contribuintes.

OS PASMONS

2005-11-23T18:51:00.000Z

Haiche moito pasmón, moito pampo que se senta no sofá diante da televisión e atura o que lle boten. E mira que hai que ter estómago para ver algúns dos programas "rosa" e da televisión "lixo" que inzan a maioria das canles televisivas. Tomy dime: "E que eu vexo o tomate para relaxarme, e para rirme coas parvadas que din" Eche boa excusa!!! Ver ese tipo de programas alimenta a súa existencia. Son indignos porque se entrometen na vida persoal da xente. Convirten a persoas irrelevantes e canallas, en protagonistas, en persoeiros de éxito, e modelos a imitar polos nosos fillos. Eu penso que somos moitos aos que nos dan noxo ese tipo de espacios.

O GORRO DE TOMY

2005-11-11T16:28:00.000Z

Hoxe chegoume Tomy a primeira hora da mañá cun gorriño. Dixenlle eu: "Pero home, a tí paréceche propio dun transportista, ir como un rapeiro". El baixou a cabeza e non dixo nada. Sempre está preocupado polas camisetas que leva, se son desta marca ou da outra. E os pantalóns tamén. E as zapatillas. E o pelo cheo de gomina. Merca todo canto lle anuncian na televisión. Eche ben paspán.

CENTO DEZ EUROS DE MULTA EN ORDES

2005-11-09T17:12:00.000Z

Escachaba coa risa. Puxéronlle ao Tomy 110 euros de multa en Ordes. Foi o sábado á noite a tomar as copas alí. Non se lle ocorre outra cousa que deixar o coche nunha zona raiada na que estaba prohibido aparcar. Ao pouco pasaba por alí, e xa estaba a Policia Municipal escribindo "a receita". Salvouse que non llo levou o guindastre, pero ao remate saironlle caras as copas de Ordes. Disque hai moito ambiente, ...

OS LETREIROS EN BETANZOS

2005-11-02T12:10:00.000Z

Quedaron ben bonitiños os letreiros que puxeron por todo Betanzos, falando da historia da vila. Chamoume a atención onde poñía que ata comezos do século XX as portas das murallas pechábanse ás 10 da noite, "para disgusto dos betanceiros que quedaban fora". Supoño que terían que pasar a noite ao frio ou buscar acobillo na casa dalgún coñecido. O caso é que eu fun á feira a Betanzos, merquei tres quilos de castañas e 3 euros, e uns grelos, un chourizo e un lacón, a ver se miña nai me fai un cocido. Facía un vento que poñía medo.

O DEPOR E O MAXIMO

2005-10-27T06:21:00.000Z

Que forma de xogar|| Que maneira de mover o balón ||| Que xeito de defender con orde e atacar con velocidade ||| Moi ben o pasei vendo a malleira que lle meteu onte o Depor ao Real Madrid. Daba risa ver aos xogadores merengues coma parrulos mareados, ou coma galiñas co pescozo cortado, dando tumbos por Riazor. Eu xa teño apostado cun amigo unha mariscada a que Luxemburgo non chega ao Nadal no banco do Bernabeu. Se perden outro partido máis, despois do xogo ofrecido na Coruña, xa o chimpan.

RELACIONS SEN PROTECCION

2005-10-24T07:27:00.000Z

Volvimos ao traballo despois da folga. E tamén volveu o Tomi a romperme a cabeza. Merecer ben merecía un par de labazadas pola súa inconsciencia. Disque o sábado á noite foi cunha moza ao cine. Ao sair tomaron unhas copas, e cando a levaba para casa, fixeron unha paradiña na Curveira en Culleredo. E fan "a coyunda" sen preservativo. Claro, agora o Tomi, tolea, que se puido quedar embarazada, que se vai ter que casar, que non está seguro, que á rapaza só a coñece dun par de dias. E o moi jeta, mándalle que vaia ao Centro de Planificación Familiar pedir a píldora do dia despois, e nen tan xiquera vai con ela. Os rapaces de hoxendia !!!

ESTIVEN NOS PIQUETES

2005-10-21T06:06:00.000Z

A primeiras horas desta mañá fun de "piquete". Quedáramos as 4 da mañá diante da Casa do Mar para vixiar as entradas e saidas do porto. O coordenador do piquete era Miguel. Ao pouco de chegar, deunos a Paco e máis a mín un "tirachinas" e díxonos: "Ide ata os Castros que alí paran os camións que saen do porto. Cando estén parados no semáforo, lle baixades a luna. Tede conta de non darlle ao conductor". Tremábamos nas pernas como bimbios, e subimos toda a Avenida do Exército. Ao chegar á rotonda, díxenlle a Paco: "Eu non vallo para isto. Imonos". El asentiu coa cabeza e volvimos baixando ata o punto de partida. Alí ninguén nos preguntou nada. Cando estábamos outra vez no grupo, diante da Casa do Mar, despertei. Todo fora un soño. Antes de poñerme a escreber isto, vin un blog curioso na dirección otendal.blogspot.com
Firma un tal Cachamuiña, que se equipara coas moscas ||||

SEGUIMOS NA FOLGA

2005-10-20T07:52:00.000Z

"Os acordos de Madrid son papel mollado". Quizais esa foi a frase máis repetida na asamblea de onte en Oroso. As voces foron practicamente unánimes a favor de continuar o paro. A pesar do que digan ou prometan en Madrid, se agora cedemos e abandonamos a folga estaremos de novo vendidos. ¿Cómo imos repercutir as alzas do gasóleo nas tarifas que cobramos aos cargadores? ¿Hai creado algún gasóleo profisional? ¿Quén vai ser o camioneiro que esixa que lle carguen a mercancía? ¿A que anos nos imos xubilar os camioneiros? Son demasiadas preguntas sen resposta.

O CAMIONEIRO CARGA CON TODO

2005-10-15T08:27:00.000Z

As radios, televisións e a prensa cargan agora contra o pequeno camioneiro. El parece ser o culpable do "terrible" desabastecemento dos supermercados. Xa non hai leite, nen peixe, nen carne. Imos volver á fame do 1941. Pero, señores, agora ninguén se acorda do transportista que é o que ten que apandar coa constante suba do gasoleo, e achantar. Pois, dunha vez que o transporte se levanta, esperemos que agora os que negocian, non arrastren o cú pola estrada, e se manteñan firmes nas nosas reivindicacións.

2005-10-11T18:26:00.000Z

O TRANSPORTE EN FOLGA

2005-10-11T18:09:00.000Z

Moi queimados estamos os camioneiros. O gasoleo veña a subir, e os cargadores que non queren adaptar os prezos. O goberno segue a queimarnos con impostos e sen establecer o gasoleo profisional. Máis dun euro val o litro de gasóleo, e a nós cóbrannos igual que o que colle o coche o domingo para pasear por ahí. Xa está ben de arrastrar o cú e non cubrir gastos. Eu hoxe din unha volta polos polígonos industriais da Coruña e poderíamos dicir que o paro é case total. Somentes algún furgón de empresas, furgoneta de suministros e un par de cisternas.

VISITEI RIBEIRA E A POBRA

2005-10-07T09:54:00.000Z

Facía tempo que non acababa un porte tan cedo un venres. Levar uns paquetiños á Pobra e a Ribeira a primeira hora da mañá e volta para a Coruña co choio feito a media mañá. Así sí que da xenio traballar. O malo é que mañá sábado teño que ir ata Oporto en Portugal e non sei a que hora volverei. Teño uns amigos que fan unha "cuchipanda" en Monte Alto pero non sei se chegarei a tempo. Vou apretar ao máximo.

Na imaxe pódese ver a miña foto, cando Marica e máis eu tivemos o pequeno. ¡Qué felices eramos naquel tempo!

Andando na ruta

2005-10-05T19:11:00.000Z

Cheguei mallado a casa. Levanteime as cinco da mañá para ir facer a ruta ata Ponferrada. Todo o camiño de ida e máis de volta foime o cativo que levo conmigo, dandome a vara. Deixouno a moza !!!! Que si era moi bonitiña. Que si sempre collía no video as pelis que eu escollia. Que si era moi guiada. En fin, que traigo a cabeza como un bombo.